أسهل طريقة لتنظيف السجاد

أسهل طريقة لتنظيف السجّاد ليبدو جديداً ونظيفاً بصورة لا مثيل لها على الإطلاق

قصة حياة “تي-شيرت”

تبدأ قصة كفاح أي تي-شيرت أول ما الشاب من دول يشوفه في المحل ويُعجب بيه ويقرر يشتريه ويخليه للخروجات النظيفة والمميزة. وأول ما التي-شيرت يِقدم شوية، يبدأ قصة كفاح جديدة بتحوله من جزء مهم في الخروجات النظيفة والمميزة لملاعب كرة القدم. شُغلانة تي-شيرت كرة القدم شُغلانة كُلها شقى وتعب وتراب وشد وضرب وعينك ما تشوف إلا النور. وبعد ما التي-شيرت يِقدم شوية أكتر، يبدأ قصة كفاح جديدة بإتحاده مع شورت قديم عشان يكونوا بيجامة جديدة. طبعًا شُغلانة البيجامة مش مُتعبة زي شُغلانة تي-شيرت كرة القدم، لكن عايزة تي-شيرت يتميز بكتم أدق وأهم الأسرار لأنه هايكون شاهد على المكالمات العاطفية بتاعت نص الليل وعلى شُرب السجاير من وراء الأب والأخ الكبير وعلى مصايب كتييييير. وبعد ما التي-شيرت يِقدم شوية أكتر وأكتر، يبدأ قصة كفاح جديدة بانتقاله من غرفة النوم للمطبخ عشان يتحول لفوطة مطبخ، والشُغلانة دي زي ما بتشم أحلى روائح الأكل وما لذ وطاب ولكن فيها مرمطة غير طبيعية. طول اليوم والليل بيشيل تراب من على الأرض وتعذيب في الميه عشان التراب ينزل ومسح للصلصة، ده غير طبعًا دور سوبر مان إللي التي-شيرت بيتقمصه لما الأم تستخدمه عشان تِطلعّ الصواني السخنة من الفرن. وبعد كل سنوات الكفاح دي، ينتهي بيه الحال مرمي في صفيحة الزبالة.